Färnrohr

Ech gogge dors Färnrohr, laio, laio. Was gsehn ech denn do vor, laio, laio. 

Es send Zebra i de Steppe, wo met de Leue reppe. De Takt schlönds met de Huf ond d’Leue brüelid de Groove. Doch plötzlech chonds de Leue i Sinn, dass si die Zebra jo jage wend. 

Ech gogge dors Färnrohr, laio, laio. Was gsehn ech denn do vor, laio, laio. 

Send d’Bäre am welde Wasser, wo Versteckis möchid met Lachse. Versteckid sech hender Bäume ond d’Lachse im Wasser neume. Doch plötzlech chonds de Bäre i Sinn, dass si die Lachse jo fange wend.  

Ech gogge dors Färnrohr, laio, laio. Was gsehn ech denn do vor, laio, laio. 

Send Pingus am Nordpol obe, wo Zenggis möchid met Robbe. Well Pingus enand tüend gliichi,  tüend d’Robbe de Falsche wiiche.  Doch plötzlech chonds de Robbe i Sinn, dass si die Pingus jo jage wend. 

Ech gogge dors Färnrohr, laio, laio. Was gsehn ech denn do vor, laio, laio. 

Es sind Affe bim trainiere, wo met Banane tönd jongliere, mängisch met sechs oder sebe, das esch ned übertrebe. Doch plötzlech chonds de Affe i Sinn, dass si die Banane jo frässe wend. 

Ech gogge dors Färnrohr, laio, laio. Was gsehn ech denn do vor, laio, laio. 

Es sind Störch i de Aare, wo met Frösch tüend Böötli fahre. Met em Schnabel lösed’s d’Leine ondFrösch ruederid met de Beine. Doch plötzlech chonds de Störch i Sinn, dass si die Frösch jo schnappe wend. 

Jetz klapp ech s’Färnrohr zue, laio, laio. Ha nämlech no vell z’tue, laio, laio. 

De Chef seid chom go golfe, jetz mues ech ehm halt folge. Das scho de ganz Sommer. Schients schaffid nor die Domme. Doch plötzlech chonds im Chef i Sinn, dass ech jo ou Lohn ha well.