De Zabli                                                                                          

De Zabli esch, wonär of d‘Wält esch cho,
die chlinschti Tanzmuus vo «Ergendwo.»
Einisch hed en welle e Kater frässe,
do esch er i d’Höhli vom Bär ie gsässe. 

I dä Bär hed sech de Zabli verliebt
ond so es ganzes neus Tier kreiert.
So gross, dass de Kater hed müesse flöchte,
jetz muess sech de Zabli nömme förchte.

Scho chnorred aber e grosse Leu,
ond wott frässe das Tier wo esch ganz neu.
D‘Bäremuus esch gflöchtet zo de Elefante,
die send dem Leu of Tazze gstande.

D’Bäremuus hed sech i ne Elefant verliebt
ond so es ganz neus Tier kreiert.
Das neue Tier hed schnell renne chönne, dezue Füür speie - es hed alles afo brönne.  

D’Füürwehr esch cho met tü-da-do ond hed das Füür glöscht det ond do.  D’Wält hed g’stuunet ab dem neue Tier, hed lang ond breit dranome studiert.   

Das neue Tier hed sech i ne Fürwehrma verliebt ond so es ganz neus Wäse kreiert. Eis wo trample ond twettere cha  ond sogar regiert hed Amerika.