Lass das si     

Lass das si, lass das so. S’esch verbote sowieso. Ech wott eifach mini Rue, mach doch ändlech Türe zue! 

Säg schön grüezi i de Frou, met de rächte Hand emou. Ess dini Soppe of de Stell. Wäsch dini Händ jetz aber schnell. «Döpple das ned emmer a!» seid de Papa, seid Mamma. 

Lass das si, lass das so. S’esch verbote sowieso. Ech wott eifach mini Rue, mach doch ändlech Türe zue! 

Potz dini Zänd bevor du gosch. Mach mer ned e so’nes Gnosch. Leg der suberi Sache a. Was stosch eigentlech no da. Ruum dies Zemmer ändlech uf! Wenn stosch du denn ändlech uf? 

Lass das si, lass das so. S’esch verbote sowieso. Ech wott eifach mini Rue, mach doch ändlech Türe zue! 

Nemm de Kaugommi us em Mul. Chend besch du öpis vo fuul. Mach de alte Frou doch Platz. Jetz halt ändlech mol di Latz. Stell dini Musig sofort ab. Dine Mini esch vöu z’knapp 

Lass das si, lass das so. S’esch verbote sowieso. Ech wott eifach mini Rue, mach doch ändlech Türe zue! 

Säg schön danke för de Batze. Mach ned emmer blödi Faxe. Tue ned i de Nase bööge. Wenn ned folgsch god s’Sackgäld flöte. Am zwölfi besch du dehei. mach ned emmer e so ne Schtei 

Lass das si, lass das so. S’esch verbote sowieso. Ech wott eifach mini Rue, mach doch ändlech Türe zue!.