Ned is Militär     

Herr Adjudant, Herr Kommandant, Herr General - zom letsche mol. Ech wott ned go is Militär, De Grond esch ned vo ungefähr. Ech weiss, das esch ned i de Norm, wenn eine verweigeret d’Uniform. 

Ech mach ned brünschtig „Achtung stett“, so wie de Löfti das gärn wett. Scho gar ned Drill a de Kanone, wie de Adjudant schreit vorne. Ess kei Spatz us de Gamälle, so wie de Küsche das hät welle. 

Werom zeigsch du met em Fenger of mech? Ech lo niemmer im Stech - weder Fend no dech! A de Front hilf ech - lo kes Opfer im Stech - höchstens mech.

Wenn ech jetz muess is Gfänis go ond mech ned alli chönd verstoh. Mi Vater seid: „ Hesch kei Verstand, wenn du ned kämpfsch förs Vaterland!“ „Des Kampfes Tod“ - seg doch en Ehr, „Salut am Grab“ - miech’s ganze Heer. 

Wär nie en Ragete vo A noch B, nie en Salve über de See, kei Granate wär i’gschlage, ond kei Splettermine vergrabe. Anstatt en Front - gäbs nor en Gränze,      wo sich onderscheidet - i Volkstänze. 

Drom zeig nömm met em Fenger of mech! Dis Gwehr löst kes Problem an sech! Red met dene äne am See, du wersch denn gseh, das brengt meh!