Noah    

Acht Milliarde Lüüt of de Arche, zäme met em Noah, em Noah. Verstohsch keis Wort be tusig Sprache,  nor z’Nacht tüend alle gliichlig schnarche. Bi de Sendfluet send’s nor e paar Päärli gse, jetz send’s aber vöu vöu meh.   

Meh als e Milliarde Chinese send da, zäme met em Noah, em Noah. Bouid of de Arche e Mur noch Plan, alles nor wägem Dschingis Kahn. Bi de Sendfluet esch es nor es Päärli gse, jetz sends aber vöu vöu meh.   

100 Millione Russe send droffe, zäme met em Noah, em Noah. Speled Roulett met Revolver ond so, de Boris ond de Ivan send scho nömme do. Bi de Sendfluet esch es nor es Päärli gse, jetz sends aber vöu vöu meh.   

Fast e Milliarde send vo Afrika, zäme met em Noah, em Noah. Hockid alli z’henderscht im Heck, bes det esch s’Ässe meischtens scho weg. Bi de Sendfluet esch es nor es Päärli gse, jetz sends aber vöu vöu meh.   

80 Millione Dütschi ond Germane, zäme met em Noah, em Noah. Wend jede Sommer d’Arche verloh, ond öberall hi i d’Ferie go. Bi de Sendfluet esch es nor es Päärli gse, jetz sends aber vöu vöu meh.   

60 Millionen sägid : «Vive la France! » Zäme met em Noah, em Noah. Onder ene ou de Asterix,  oni ehn wärid d’Franzose nix. Bi de Sendfluet esch es nor es Päärli gse, jetz sends aber vöu vöu meh.   

40 Millione Spanier „olé“!      zäme met em Noah, em Noah. Möchid of de Arche d’Stiere verrockt, bes es bi dene nömme zockt. Bi de Sendfluet esch es nor es Päärli gse, jetz sends aber vöu vöu meh.   

8 Millione Eidgenosse, zäme met em Noah, em Noah. Jodled am Morge früeh scho voll, bes de Noah verlangt Strofzoll. Bi de Sendfluet esch es nor es Päärli gse, jetz sends aber vöu vöu meh.