Oje mine                    

Oje oje, oje mine, oje mine, das esch es gseh. Oje mine, ech wott nömme meh, oje mine, das tued so weh.  

Werom werom, es ged en Grond, tönt nor chli domm. 

Oje Astrid, du besch mer z’gschiid, oje Astrid, es esch ned de Niid. Was ech ned weiss, du mer i’seisch, mis Ego esch drom praktisch tod.  

Dorom dorom, das esch de Grond, tönt nor chli domm. 

Oje Helen, du besch mer z’schön, oje Helen, alli stönd of dech. Ech sto nor im Schatte, das han ech of de Latte,       jetz han ech gnueg, drom nemm ech de Huet. 

Dorom dorom, das esch de Grond, tönt nor chli domm.

Oje Annett, du besch mer z’nätt, machsch kei Stei, wenn ich ned chom hei. Du fendsch mech läss, trotz de SMS, oje Anette, drom mues ech weg. 

Dorom dorom, das esch de Grond,         tönt nor chli domm. 

Oje Sabine, du besch mer z’clean,     i kem Egge daf es Stäubli stecke.     Oje Sabine, ou de Chäller esch clean, öberall Wöschzeine, drom zieh n’ech Leine.               

Dorom dorom, das esch de Grond, tönt nor chli domm.  

Oje Brigitt, du besch mer z’fit, wenn ech no tröim, machsch du scho Waldlöuf. Zellsch Kalorie, do gets nüd z’fiire, oje Brigitt, do mach ech ned met. 

Dorom dorom, das esch de Grond, tönt nor chli domm.

Oje Louise, du besch z’exklusiv, bi Dior ond Prada, seisch du nie nada. Mi ganzi Stotz, hesch du verpotzt, oje Louise, i mer god’s miis.

Dorom dorom, das esch de Grond, tönt nor chli domm.

Oje Sina, du besch zwor prima, wär ned no die Anderi do. Ech wot’s met ere probiere mues dech riskiere, oje Sina, ech be halt en Ma.  

Dorom dorom, das esch de Grond, tönt nor chli domm.