Opportunescht    

Höt ben ech en Sozialescht -    ond morn en Kapitalescht. Wenn’s grad passt ben ech e Komunescht,   well ech be en Opportunescht. 

Ech go met em Megaphon                                 a jedi Demonstration. Einisch ben ech för die „Rechte“,                   ond wenn’s grad passt, send die „Lengge“ die rechte. Je retourne ma veste - toujours du bon côté. 

Einisch fahr ech met em Porsche vor               ond denn weder met em  Döschwo. Niider Bleck send Honig för d’Seel,    Metleid esch aber ou ganz schön. 

Ech go met em Megaphon                                 a jedi Demonstration. Einisch ben ech för die Riiche,                          ond s’nöchscht mol send denn das weder die Fiise. Je retourne ma veste - toujours du bon côté. 

Min Stotz han ech of Cayman versteckt,        s’Stüüramt hed nie öpis gmerkt. Die Riiche söllid Stüüre zahle,                          ond ned die ganz Normale. 

Ech go met em Megaphon                                 a jedi Demonstration. Einisch ben ech för die Arme,                           ond mängisch han ich met dene kei Verbarme. Je retourne ma veste - toujours du bon côté. 

D’Osländer ghöred ned i Schwiiz,                 well alles Schlechte a dene liid. Zom schaffe chönd si jo scho cho,                 aber denn seled’s weder go. 

Ech go met em Megaphon                               a jedi Demonstration. Einisch ben ech för die Frömde,                       ond s’nöchscht mol rüef ech – „gönde!“ Je retourne ma veste - toujours du bon côté.